Maalako parkea herritarrez beteta zela aurkeztu ditugu 2025eko Kilometroen irudia, leloa eta helburuak: batetik, lankidetza eta parte hartze sozial aktiboa balioan jarri eta indartu nahi ditugu eta, bestetik, Kilometroen urtea baliatu nahi dugu euskaraz gehiago eta gehiagok egiteko.

Badakigu gaur gaurkoz oraindik Elgoibarren asko garela euskaraz jakin eta euskaraz aritzen ez garenak, eta euskarara salto hori emateko baliatu nahi dugu urtea. Eta badakigu, salto hori emateko elkarren babesean egin beharko dugula salto.

Aurkezpen ekitaldian inbidiaz begiratu diegu eszenatoki gainera igo direnek soinean zituzten arropei. Arropa lantaldea buru belarri ibili baita ahalik eta azkarren 2025eko Kilometroen Salto-saltoka kolekzioa sortzen, eta datorren astean, abenduaren 5ean izango dugu arropa horiek eskuratzeko aukera.

Oraingoz denda fisikoan baino ezingo da arropa erosi, baina Elgoibartik kanpokoentzat ere, berandu baino lehen zabalduko dugu online denda. Denda fisikoa Elgoibarko Errosario kaleko 25. zenbakian egongo da.

Aurkezpen ekitaldiaren bukaeran ikasleek erronka bota diete elgoibartarrei. Elkarrekin soka saltoan aritzea izango da erronka, banaka ez baina, taldean, elkarrekin eta elkarri soka emanda. Janus Lester taldearen erritmoz betetako Dap-dap abestiaren doinuan erakustaldia egin dute ikasleek, eta mezua ere luzatu diete ekitaldira bertaratutako guztiei Nagore Mulas eta Martin Serrano Ikastolako ikasleek:

“Zubiak eraiki nahi ditugu gure artean. Soka, zubi bat da, norbaitek eragiten badio.

Soka gonbidapen bat da, euskaraz aritzeko. Sokari emango diona behar dugu, salto egiteko.

Pirritx, Porrotx eta Marimototsek oparitutako pagoa landatu dute Izarraizko Atea parkean. Gainera, Lagun Onak Mendi Bazkuneko kideak, boluntarioak eta Gorka Artola koordinatzailea omentzeko aprobetxatu da ekitaldia.

Kilometroetan eraso sexista bat gertatu zen. Erasotuak adin txikikoak direnez, Azpeitiko Udalaren protokoloak zehazten duen moduan, haiek babestea dagokigu, gertaeraren aurrean gure gaitzespen irmoena adieraztearekin batera.

Kilometroen eguna eta urtea amaituta, esan dezakegu ezarritako helburuak bete direla. Eta orain, urte osoan lantzen aritu garen eta geure egin ditugun ardatzak lantzen jarraitzea dagokigu: Euskara, kulturartekotasuna-aniztasuna eta herrigintza.

Ikastolan egin dute irekiera ekitaldia, eta martxan dira gune guztiak. Jendea jasi da Azpeitiko kaleak betetzen. Ekitaldi nagusian nabarmendu dute euskarak erronka handiak dituela orain, eta denon ardura dela beraiei erantzutea.

21 ikastolek parte hartuko dute, eta zazpi proba egin beharko dituzte. Azpeitiko hainbat eragilek parte hartu dute prestaketan. Sari potoloak irabazleentzat.

Kilometroetarako atzera kontaketa hasi da, eta Ikasberriko kideak gogotsu daude iganderako. Dagoeneko jakinarazi dituzte egunera begirako xehetasunak GUKA telebistari eskainiriko elkarrizketa batean.

Azpeitiko San Martin egoitzako egoiliarrek eta langileek ere Kilometroen festan lagundu nahi izan dute.