DBH4ko ikasleak Bastidan izan dira, ikastoletako ikasleen topaketan
Kilometroak dela eta, ekintza osagarriekin egin da aurtengo Pilota Eguna
Esan bezala, aurten herriko pilotaleku ezberdinetan egin da Pilota Eguna, baina finalak Kalegoen plazan jokatu ziren, jai-giro paregabean. Pilotan jokatzea gainera, pilota bera nola egiten den ikasteko tailerrean parte-hartzeko aukera izan zuten neska-mutikoek. Otero pilota-egileak irakatsi zien haurrei nola egiten diren pilotak.
Helduek ere izan zuten Pilota Egunean parte-hartzeko aukera. Behin finalak amaituta, barru pilota jolasean aritzeko modua izan zuten.
Regina Arrieta irakasleari aitortza egin zaio, Kilometroak dela eta aurten berezia izan den Euskal Inauterietan
Gainera, aitortza eta omenaldia egin nahi izan zaio Regina Arrieta Ikastolako musika irakasle izandakoari. 37 urte egin ditu Reginak Euskal Inauteria sustatzeko lanean, eta egindako lan eskerga aitortu nahi izan zaio. Euskal Inauteriei emandako bultzada eta oro har euskal kulturari egindako ekarpena eskertu nahi izan zitzaion. Hunkituta jaso zuen aitortza Regina Arrietak, eta talde-lanaren garrantzia azpimarratu zuen bere hitzartzean.
96ko Kilometroei buruzko argazki eta bideo erakusketa ikusgai Kultur kafean
Gaur hasi eta urtarrilaren 31 bitartean 96ko Kilometroei buruzko argazki eta bideo erakusketa izango dugu ikusgai Kultur kafean.
Argazki eta bideo proiekzio honetan, 1996an Elgoibarko Ikastolak antolatutako Kilometroak jaialdiaren oroitzapenak berreskuratuko ditugu. Jaiaren ilusioa, elkarlana eta komunitatearen indarra daude irudietan eta bideoetan jasota.
Elkarlana eta euskararen erabilera areagotzeko lan egingo dugu
Maalako parkea herritarrez beteta zela aurkeztu ditugu 2025eko Kilometroen irudia, leloa eta helburuak: batetik, lankidetza eta parte hartze sozial aktiboa balioan jarri eta indartu nahi ditugu eta, bestetik, Kilometroen urtea baliatu nahi dugu euskaraz gehiago eta gehiagok egiteko.
Badakigu gaur gaurkoz oraindik Elgoibarren asko garela euskaraz jakin eta euskaraz aritzen ez garenak, eta euskarara salto hori emateko baliatu nahi dugu urtea. Eta badakigu, salto hori emateko elkarren babesean egin beharko dugula salto.
Kilometroak 2026 aurkezpen ekitaldia
Ilusio handiz prestatutako ikuskizun ederra izango da, partehartze anitza izango duena. Bertan aurkeztuko dira:
Kilometroak 2026 logoa.
Edizio honetako leloa.
Jai honetarako sortutako produktu eta jantzien bilduma berria.
Aurrez, bideo emanaldi txiki bat ere proiektatuko da ekitaldia girotzen joateko eta Kilometroen festak izan duen ibilbidea irudikatzeko.
Ez galdu hitzordu garrantzitsu hau! Bertan ikusi nahi zaitugu!