Maiatzaren 31n ospatutako Ikastola Egunean aurkeztu zuten Kilometroen aurtengo abestia eta bideoklipa.
Ikastola Eguneko ospakizun giroa baliatuta, urriaren 5ean Elgoibarren egingo den Kilometroak festaren abestia eta bideoklipa aurkeztu zituzten jendaurrean. Elgoibarko Ikastolako komunitateak elkarlanean egin ditu bai abestia eta bai bideoklipa. Jone Arriola gidoilari eta zuzendaria arduratu da bideoklipa zuzentzeaz; abestia, berriz, Aitor Novak sortu du eta Eneko Beretxinagak egin du letra. Elgoibarko hainbat musikarik parte hartu du abestiaren grabazioan eta bideokliparen protagonistak ere Ikastolaren komunitateko ikasle, irakasle eta gurasoak izan dira.
