Ibilian-ibilian, buelta!
Edozein prozesuk bi une garrantzitsu ditu: hasiera eta amaiera. Hezkuntza prozesuan Curriculuma osatzea ezinbestekoa da: curriculum berak zirkuitu baten buklea adierazten baitu.
Aurrera egiteko, eraldaketa sortzeko, ibili egin behar da, eta ibilian-ibilian, bizitzan hamaika bukle ixten ditugu.
LELOAREN ESANAHIA
2026an, Lazkaon, 50. Kilometroak jaia antolatzera goaz. Kilometroak jaiaren ibilbide luzea 1977an Lazkaon hasi zen eta 2026an Lazkaora itzuliko da berriz ere. Ibilian-ibilian, inoiz huts egin gabe, bukle handi bat itxiko dugu, baina honen itxidurak ez du inolaz ere amaiera bat adierazten, alderantziz baizik; beste buelta, beste bukle baten hasieran gaude
LOGOAREN ESANAHIA
Leloarekin bat eginez, logoak ibilbide eta buklearen irudiak islatzen ditu. Forma borobilek, itxi gabeko bukle bik, martxan dagoen etengabe aberasten den bidea erakusten dute.
Logoan 50 zenbakia ere antzeman daiteke. 1977an Lazkaon hasi eta 2026an 50. jaia ospatuko dugu denok elkarrekin. Ibilbide luzea beraz. Eta logoaren bitartez elkarrekin ospatzearen balioa ere indartu nahi dugu. Borobil bat beste baten barruan komunitatearekin lotzen da. Logoaren erdiko gunea beste marra batekin inguratuta dago, komunitate bat osatzen dugu Lazkaon eta komunitate hori ere leku irekia da, itxi gabeko borobila batek gure komunitatea aniztasunari inklusioz hartzeko prest dagoela irudikatu nahi du.
Koloreek ere badute beren esanahia: Lazkaoko ikastolaren kolore korporatiboak dira.
