Agenda
Madalena Basilikan, Orereta-Errenteria
Kilometroak 2023ko atariko jardueren baitan Andra Mari Abesbatzako emakumeen kontzertua
Andra Mari Abesbatzako emakumeek kontzertua eskainiko dute datorren ostegunean, irailak 28, 20:00etan, Madalena Basilikan, Kilometroak 2023ko atariko jardueren baitan.
Emakume bertsolariak XIII-XVI izeneko programa interpretatuko dute, Euskal Herriko hainbat emakumek XIII-XVI mendeetan idatzitako bertsoez osatua, garai haietako doinuekin libreki musikatuta.
Bakarlari Lucia Gómez Aizpurua arituko da, instrumentuetan laguntzaile Alize Mendizabal izango da eta denen zuzendari Andoni Sierra. Sarrera doakoa da, aforoa bete arte.