Abian da Euskal Herriko Ikastolen elkarteko komiki lehiaketako bosgarren ekitaldia, eta ekimen horren barruan, Elgoibar Ikastolako DBH3ko ikasleek komiki tailerra egin dute, Joseba Larratxe komikigilearen eskutik. Orain, beraien proiektuak aurkezteko tartea izango dute ikasleek, tailerraren bigarren saioa egin aurretik, hor egindako lanak aurkeztu eta zuzentzeko aukera izango baitute.
Jaiak da Ikastolen Elkarteko komiki lehiaketaren gaia, eta Elgoibar Ikastolako DBH3ko ikasleek Kilometroak gaiari heltzeko modua izango dute. Maiatzaren 31ra arteko epea dute ikasleek beraien lanak aurkezteko.
Aurkeztutako lan guztiak Euskal Herriko Ikastolen Elkarteko webgunean ikusgai jarriko dituzte. Puntu gehien eskuratzen dituen lana, berriz, Xabiroi aldizkarian argitaratuko dute, urriko alean.
