Skip to main content

Tutera -Azpeitia martxa Gipuzkoara hurbiltzen

2024/06/23

Lizarran garela ongietorria jaso dugu. Ikasberri Ikastolako Gorka Artola, Garean euskara elkarteko Begoña Martinez eta Txusma Azkona, eta Lizarra ikastolako lehendakari ohi Unai Gardoki elkartu dira Kilometroetako eguzkilorea jaso eta elkarren berri izanez. Eguzkilorea oparitzearekin batera jaso dugu bueltan beste opari bat: “Estellerriko euskara. Hegoaldeko goi-nafarrera. Estellerriko aldaera” hiztegia, Aitor Aranak, Koldo Colomok eta Alfredo Dufurrek ondua.

Handik aurrera ekin diogu ibilaldiari: arte basoetan zehar igaro gara Aiegi, Larrion, Galdeano, Berindano, Zudaire eta Bakedanotik pasaz. Behin honaino iritsita, ezin aukera galdu Urederrako kolore urdin bereziaz gozatzeko. Larunbateko etapa Ubaban (Pilatosen balkoian) amaitu dugu.

Urbasako kanpinean ostatu hartu eta lagun arteko afari eta afari-ondoaz gozatu dugu. Igande goizean, Ubaba eta Lizarraga arteko 20 kilometroko ibilbideari euri, lanbro eta laino artean ekin diogu. Pagadi zoragarriak zeharkatu arren, eguraldiak ez digu hauek nahi bezala gozatzen utzi.

Bi aste barru izango da 7. etapa, Lizarraga eta Etxarri arteko ibilaldia.

Lizarraga

Albisteak

2024-10-19
Pirritx, Porrotx eta Marimototsek oparitutako pagoa landatu dute Izarraizko Atea parkean. Gainera, Lagun Onak Mendi Bazkuneko kideak, boluntarioak eta Gorka Artola koordinatzailea omentzeko aprobetxatu da ekitaldia.
2024-10-08
Kilometroetan eraso sexista bat gertatu zen. Erasotuak adin txikikoak direnez, Azpeitiko Udalaren protokoloak zehazten duen moduan, haiek babestea dagokigu, gertaeraren aurrean gure gaitzespen irmoena adieraztearekin batera.
2024-10-06
Kilometroen eguna eta urtea amaituta, esan dezakegu ezarritako helburuak bete direla. Eta orain, urte osoan lantzen aritu garen eta geure egin ditugun ardatzak lantzen jarraitzea dagokigu: Euskara, kulturartekotasuna-…