Lazkaoko Ikastolak San Prudentziko jaietako txupinazoa bota du, Kilometroen 50. edizioa dela eta
Urteurren borobilak bere tokia merezi zuen herriko festetan. Lazkaotarrek hala erabakita, Ikastolak eman zien hasiera festei. Udaletxeko balkoira Irantzu Amundarain, Lazkaoko Ikastolako Lehendakaria, Ion Martinez, zuzendaria, eta Xeber Maiza, 2026ko Kilometroak jaiaren koordinatzailea, igo ziren. San Prudentzio festei hasiera emateaz gain, Lazkaoko Ikastolak eta Kilometroek presentzia nabarmena izango dute festetan. Hala nola, tonbola, erakusketak eta beste ekitaldi batzuk antolatu dira.
